"ATV maqazin onlarla" verilişinin "Hit parad" rubrikasının qonağı müğənni Samir Piriyev olub.

Sənətçi ilk olaraq həmkarı Elton Hüseynəliyev və Natavan Həbibinin duetini hit-paraddan uzaqlaşdırıb. O, mahnının köhnə olduğunu deyib:

"Elton silkələnsin və yeni mahnı oxusun. Məndən inciməsinlər, amma uzaqlaşdıracam. Eltonla problem yaşamaq istəmirəm, üz-üzə gələndə görüşürəm də... Amma mahnı köhnədir".

S.Piriyev Elnarə Xəlilovanın onun mahnısı haqda dediyi "şablon və banal" ifadələrə cavab verib və onu onuncu yerə layiq görüb:

"Elnarə Xəlilova deyəndə, o illər yadıma düşür. İndi onun adı gələndə heç bir hit mahnı görmürəm. Mənim haqqımda dedi ki, "banal" mahnılar oxuyur. Amma yadına salım ki, özü "Mənim ürəyim sənindir sənindir" oxuyurdu. Gəlib onun balalarının toyunda "banal" mahnılarımı oxuyacam. Doqquzuncu yerə Elza Seyidcahanı layiq görürəm".

S.Piriyev səkkizinci yerə layiq gördüyü Günay İbrahimlinin mahnısını bəyənmədiyini söyləyib:

"Çox iddialı gəldi, mahnıları hit oldu. Amma bu, sonuncu oxuduğu mahnı hit olmadı. Yeddinci pilləyə isə Nura Surini layiq görürəm".

Müğənni altıncı pilləyə uşaqlıq dostu Zamiq Hüseynovu layiq görüb. O, həftənin əlaçısı "Meyxananın ürəyi" adlandırdığı Namiq Qaraçuxurlunu edib.

S.Piriyev əməkdar artist Tünzalə Ağayevanı dördüncü yerdə qərarlaşdırıb.

Elşad və Elmiri üçüncü yerə layiq görən samir bunu övladlarına görə etdiyini bildirib. O, qızı Fərəhin bu dueti çox bəyəndiyini söyləyib.

S.Piriyev Natavan Həbibinin "Anlayamadım"ını ikinci edib:

"Natavana hansı mahnını versən, onu gözəl təqdim edəcək. Onda bu istedad var".

İfaçı hid-paradın birincisi xalq artisti Zülfiyyə Xanbabayevanı etdiyini bildirib:

"Zamanında onun bekvokalçısı olmuşam. Çox əlçatmaz və sadə insandır. İldə bir mahnı oxuyar və yadda qalar. Nə oxuyub hit olub".