23 Mart 2017, 22:01 | #1 |
Guest
Mesajlar: n/a
| Cənnət qapılarını açan ay - Ramazan
Dinimizdə Ramazan ayının ibadətləri tam başqa xüsusiyyətlərə malikdir. Ramazan ayı gələrkən yolu gözlənilən sevimli bir qonaq kimi gəlir, gedərkən də müvəqqəti vidalaşıb uzaq səfərə gedən bir doğma kimi ayrılır bizdən. Ramazan ayı gedərkən səhabələr göz yaşları ilə yola salardılar bu mübarək ayı, heç ayrılmaq istəməzdilər bu mübarək, xoş qədəmli aydan. Müsəlman üçün dünyada Ramazan günləri qədər füsunlu, onlar qədər xoş əhval-ruhiyyə bəxş edən bir gün yoxdur. Ramazan bəndənin Allaha yaxın olan günüdür. Ramazan tövbələrin qəbul olma məkanıdır. “Ramazan gəldikdə Cənnətin qapıları açılar...”. Cənnətin qapılarının açılması Allahın qullarına bu ayda xüsusi mənada digər aylarda olmayan kimi Cənnətə gedən yolları açması mənasında anlaşıla bilər. Bütün ibadət və xeyir qapılarını açmasıdır. Oruc, qıyam, xeyir, yaxşılıqlar və günaha gedən yolların bağlanması, nəfsin pis arzu və istəklərindən uzaq durulması təlimidir.Ramazan ayı oruc tutmağın səbəbi İlahinin əmridir. Allahın hər əmrində saysız-hesabsız hikmətlərin olması isə şübhəsizdir. Xüsusilə də orucun saysız hikmətləri vardır.Ramazan insanın ruhunu çirkin təsirlərdən qoruyur. Orucun sayəsində nəfs və şəhvətimizə hakim olmaq düşüncəsi istehsal edərək günahdan, təhlükələrdən qorunub təqvaya qovuşmaq imkanı əldə edirik. Qurani-Kərimdə Ramazan ayı barədə buyrulur: “Ey iman gətirənlər! Oruc tutmaq sizdən əvvəlki ümmətlərə vacib edildiyi kimi, sizə də vacib edildi ki, (bunun vasitəsilə) siz pis əməllərdən çəkinəsiniz! (Oruc tutmaq) sayı müəyyən olan (bir ay) günlərdir. (Bu günlərdə) sizdən xəstə və ya səfərdə olanlar tutmadığı günlər qədər başqa günlərdə oruc tutmalıdırlar” (Bəqərə, 183). Oruc tutmağa taqəti olmayanlar isə (hər günün əvəzində) bir yoxsulu doyduracaq qədər fidyə verməlidirlər. Hər kəs könüllü xeyir iş görərsə (həm oruc tutub, həm də fidyə verərsə), bu onun üçün daha yaxşı olar. Bilsəniz oruc tutmaq sizin üçün nə qədər xeyirlidir! İnsanlara doğru yolu göstərən, bu yolu açıq dəlilləri ilə aydınlaşdıran və (haqqı batildən) ayıran (Quran) Ramazan ayında nazil edilmişdir. (Bəqərə, 184). Aya (Ramazan ayına) yetişən şəxslər (bu ayı) oruc tutmalıdırlar; xəstə və ya səfərdə olanlar isə tutmadığı günlərin sayı qədər başqa günlərdə tutsunlar. Allah sizin üçün ağırlıq deyil, yüngüllük istər ki, fövtə gedən günlərin orucunu tamamlayasınız və sizi düz yola yönəltməsinə görə Ona (“Allahu əkbər” deməklə) təzim və şükür edəsiniz. (Bəqərə, 185). |
Bookmarks |
Konuyu Toplam 1 Üye okuyor. (0 Kayıtlı üye ve 1 Misafir) | |
| |